رواية أوتار القلوب بقلم فاطمة الألفي

…..
يتبع
الفصل الخامس والعشرون
تم تجهيز العروس بالمنزل
كانت فى غرفة غصون والماكيرا تضع لها اللمسات الأخيرة كانت جميلة بالثوب الابيض الذى اخفى سنها الطفولى وأصبحت الآن عروس جميل …
ارتدت غصون ثوب من اللون البينك وحجاب بينك ولم تضع أى مستحضرات التجميل لانها لا تحبها وكانت رقيقة رغم الإرهاق الذى يظهر على تقسيم وجهها ولكن كانت رقيقة بثوبها المحتشم الانيق..
وهمسة ارتدت ثوب اخضر هادى وكانت جميلة حقا وحجاب من نفس لون الثوب…
تم تجهيز القاعة لاستقبال العروس وكان عاصم والجد ينتظر مع المدعوين لحفلة الزفاف …
وبعد دقايق دخل العريس ومعة عروستة التى تتبطى ذراعة…
دخلت القاعة على صوت المزمار الصعيدى..
وكانت خلف العروس تظهر بطلتها الجذابة ومعها صديقتها همسة وجلست بالقرب من اخيها ..
حضر وسيم ووالدتة واختة يمن وبارك للجد والعم على الزفاف
تحدثت يمن مع عاصم قليلا وجلست بجانب اخيها
الذى يتطلع إلى غصون بشرود ..
حضرت روان ومعها حازم ويوسف الذى أصر ان يحضر معها ليرى غصون الذى افتقدها فى غيابها..
فرحت غصون عندما قابلت روان وعرفتها على همسة وجلست الثلاثة على تربيزة واحدة …
جلس حازم ويوسف بالقرب منهم واعجب يوسف بمظهر غصون .
حازم .بقولك اية روان منبه علية ماتتحركش اياك تتكلم مع غصون
يوسف. خلاص ياعم حفظت الحوار دى المرة المليون إللى تقولى كدة ..
وبدأت الاغانى الرومانسية واول اغنية التى تخص العرسان والرقصة السلو..
واخذ احمد يد عروستة وذهب إلى الاستيچ للرقصة خاصتهم
لهفة .وها ماينفعش
احمد بابتسامة. لا خاطڤك انتى مراتى ومش هعمل أى تصرف طايش عشان عارفك هتصوتى وتلمى الناس ههههه بس حطى ايدك على كتفى هنا وهنا وبس وانا ايدى هتكون محوطاك ياجميل
لهفة .اتحشم
احمد .هههههه اسكتى انتى فصلتينى خالص هههه
ابتسمت غصون لفرحة اخيها ..
احس عاصم بها وتوجه الية
عاصم .عبقالكم يا بنات
غصون .ابية عاصم دى همسة طبعا عارفها ودى روان
عاصم بابتسامة. اهلا وسهلا شرفتونا هستاذنكم بس غصون خمسة
روان .اتفضل
عاصم .تعالى نرقص
غصون .ههههه بجد المفروض ترقص مع مراتك
عاصم. لا عاوز معاكى تعالى بس ومسك يد اختة وتوجهو أيضا إلى الاستيچ واحتضن
—
اختة وهى شعرت بالراحة
والامان بقربه والقوة التى تستمدها منه هو وليس سوا فهو سندها وقوتها…
كانت تشعر بالغيرة من شقيقتة.
يمن بزعل .بدل مايطلب يرقص معايا يرقص مع اختة ينفع كدة
وسيم شارد ب عالم آخر
كاملة .هو عاوز يفرح اختة
يمن .وسيم ترقص معايا
وسيم. لا انا ماشى
كاملة .مش ينفع جدك وعمك يزعلو
وسيم بحزن وانا مدايق اوى
كاملة .كانت فى ايدك اية إللى حصل ماقدرتش النعمة غير لم طارت منك
وسيم بحزن .كفايا بقى اعصابى تعبت
يمن .الله دة مالك جاى كمان ومعاة عدى
بعد انتهاء الرقصة ذهبت إلى صديقاتها..
وذهب عاصم ليرحب بمالك وعدى ..
مالك .الف مبروك عبقالك
عدى .الف مبروك يادكتور
عاصم .الله يبارك فيكم عامل اية يا عدى
عدى .الحمدلله احسن .
عاصم. طب اتفضلو سلمو على احمد وتربيزتكم محجوزة…
وصل آدم ودخل القاعة ونظر إلى مكان غصون وهمسة ولمحتة همسة من بعيد وشعرت بالتوتر والقلق خوفا من تهورة…
ونظر أيضا وجد الشاب الذى تعارك معة بالجامعة وشعر بالغيرة فلماذا اتى أيضا وحاول الاتصال بهمسة ولكن لم تسمع صوت الهاتف بسبب الاغانى المشټعلة…
احست بتعب خرجت من القاعة تحاول ان تستنشق الهواء فهى بحاجة إلى اكسجين لا تعلم ماذا اصابها فهى تشعر بالتعب والألم والارهاق وقلة الشهية…
فزعت عندما وجدتة امامها يبتسم لها بحب
آدم. عاملة اية دلوقتى شكلك تعبان خالص مبروك لاحمد وعبقالنا
غصون مصډومة. انت جيت هنا ازى
آدم بمرح بالعربية ركنها قدام القاعة تحبى تشوفيها
غصون بتوتر
.هاا انا قصدى اية إللى جابك
آدم بغمزة .قلبى والله ههه
غصون بقلق .انا لازم ادخل
آدم بلهفه
. استنى بس عايز اتكلم معاكى
غصون .مش ينفع من فضلك روح عشان لو عاصم شافك مش هيحصل كويس امشى
آدم. وانا عاوزة يشوفنى عشان اطلب ايدك منة بقى انا عرفت ان خلاص بقيتى حرة وانا هتقدملك موافقة ادينى امل واحد اعيش عشانة انا مابقتش بتاع بنات وخلى همسة تقولك كمان انا اتغيرت والله عشان اكون جدير بيكى واستحقك انتى نجمة عالية اوى وانا هعمل المستحيل عشان اوصلك واكون القمر جنبك
غصون .ادم امشى بقى
آدم. خلاص وعد هقولك كل حاجة لم نقعد مع بعض فى كلام لازم اقولة
غصون بتهرب .مش هينفع لازم ادخل
آدم. هينفع ونقعد مع بعض فى بيت اخوكى كمان وعد منى فى اقرب فرصة هكون عندكم
دخلت غصون بكسوف من كلام آدم تحاول السيطرة على نفسها وعلى نبضات قلبها التى تزداد من مجرد ابتسامتة فهى لازالت قلبها ينبض لة وتخاف الله فى معصيتة فقد تربت على الأدب والاخلاق ولا تريد أن تنظر او تفكر فى شخص ليس من حقها وتحاول منع ذهنها من التفكير بة…
ونظرت إلى وسيم التى اصبحت تكره بعد آخر مقابلة وبعد محاولتة فى التعدى عليها وتنظر له بقوه فلا تخاف وجوده بعد الان
……
بعد عدة ساعات تم انتهاء الفرح وذهب العروسان إلى شقتهم . .
وذهبت غصون وهمسة إلى شقتهم وودعت شقيقها وذهبو إلى النوم ..
ابدلت ملابسها ونامت من شدة التعب ..
همسة .احكيلى يابت آدم قالك اية غصون
همسة پغضب .انتى لحقتنى نمتى ماشى ..
فى شقة احمد
احمد .مبروك يالهفتى بقيتى فى مملكتك الخاصة
لهفة بكسوف. شكرا
احمد .اممم شكرا طب تعالى نغير
لهفة .لاع هدخل لوحدى
احمد .بصى عاوزة اقولك حاجة لازم تعرفيها انا عارف انك لسة صغيرة ومش مستوعبة وانا مش صغير وفاهم انك مكسوفة ومحرجة منى وانا هقولك مش هيحصل حاجة بينا غير لم تتقبلينى وتكبرى شويا اصل انا خاېف عليكى بصراحة ههههه بس هنقرب من بعض عشان على الاقل مش تتكسفى منى وتتقبلينى فى حياتك ودلوقتى اتفضلى غيرى وتلبسى أسدال عشان نصلى مع بعض وبعد كدة نتعشى وننام لو مش عايزة انام جنبك هنام فى الاوضة التانية عادى لحد لم تتعودى عليا واحدة واحدة
لهفة بفرحة. ربنا يخليك ليا
احمد .ويخليكى ليا ياحببتى بس مش هتقولى حبيبى ولا حمودى زى غصون حتى ههههه
لهفة .بختشى
احمد .اة وفى حاجة كمان لاتعلمينى صعيدى لاعلمك اسكندرانى ههههه ماشى
لهفة .علمنى وانا اعلمك
احمد.. اتفقنا
……
ابدلت لهفة فستان الزفاف وتوضت وايضا بدل احمد بدلة العرس وتوضى وقام للصلاة وهو الإمام..
وبعد الانتهاء من الصلاة
احمد .مش لازم حد يعرف عن حياتنا الخاصة حاجة ماشى واى مشكلة بينا نحلها مع بعض مش لازم العيلة كلها تعرفها أو تدخل فيها دى حياتنا الخاصة واحنا نمشيها زى مااحنا عاوزين واوعدك نتناقش فى كل حاجة ونوصل لحل يرضينا ودلوقتى لو سالو بكرة عملتى اية واومور الستات دى تقولى الحمدلله وبس مش لازم حد يعرف احنا عاملين اية مع بعض ولا حصل اية بينا ماشى ياحببتى
لهفة .حاضر بس انت مش زعلان
احمد .لا طبعا انا اسعد واحد فى الدنيا أن اتجوزتك يالهفتى
بس يارب انتى ترضى عنى
لهفة .والله بحبك جوى
احمد بفرحة. قولتى اية بجد
لهفة .ايوة والله بحبك
احمد .طيب بقولك اية نامى بقى عشان مش افقد اعصابى واسحب كل الكلام اللى قولته
تصبحى على خير يا قلب احمد
مع إشراقت شمس يوم جديد
استيقظ وذهب إلى المشفى لانة انشغل عنة بزواج شقيقة وخرج دون أن يوقظ شقيقتة يعلم انها معها صديقتها فيترك لها الحرية وذهب ليتابع اعمالة…
عندما وصل مكتبة وجدة الملف ويوجد علية اسم غصون علم انها التحاليل الذى طلبها من فترة وانشغل بعد ذلك بالفرح ..
فتحت الملف وبدأ فى قراءة التحليل والتقرير الذى يخص عينة الډم
عاصم پصدمة .مش ممكن اكيد التحليل فى حاجة غلط
نهض من مجلسه مسرعا إلى المعمل وجد الدكتور أشرف
عاصم پخوف .اشرف التقرير دة مظبوط
اشرف بحزن .للاسف مظبوط
شعر بالاختناق وكأن روحة تنسحب من جسدة واحس ببرودة شديدة تسرى فى جميع أنحاء جسدة وخارت قواة ولم يعد قداماة تحمل جسدة الضخم .
…
الفصل السادس والعشرون
استيقظت همسة وايقظت صديقتها لتبدأ اليوم معا ويعيدو ذكرياتهم الخاصة ..
همسة .غصون قومى خلينا نتكلم احنا خلاص بقينا لوحدنا
قامت بكسل .هههه يابت مش هتبطل الجنان بتاعك
همسة. طب قومى عشان نلوك بقى وتحكيلى الجديد والقديم
غصون .ايوةةة مش هخلض منك
تأكدت غصون ان شقيقها ذهب إلى عملة وبدوء فى إعداد الطعام وبعد تناولة بدات قصص وحكايات البنات و قصت عليها ماذا فعل وسيم معاها
اڼصدمت همسة من كلام صديقتها ..
همسة. معقول ابن عمك يطلع منة كل دة
غصون .هو فعلا كان كدة هياخد حقة زى ماقال.
همسة .لا طبعا دة مش حقة دة هيكون
همسة .اوعى تخلى إللى حصل يأثر على نفسيتك ولا يعقدك
غصون .والله من ساعتها وانا خاېفة حتى من عاصم لم يقرب منى بفتكر لمساتة لية
همسة .لا اوعى خليكى قوية زى ما عاصم دايما يقولك اوعى تكونى ضعيفة وهو اصلا مش هيقدر يعملك حاجة خلاص هو انتهى من حياتك وانتى عيشى بقى حياتك وادم منتظرك ومش هيتخلى عنك
غصون .ايوةةة بقولك اية تقولى اية
همسة .طب احكيلى قالك اية امبارح
غصون .مش هتعقلي ابدا قالى ……
همسة .والله آدم دة يستهالك بجد بيحبك واتغير وبقى ملتزم ومحترم وبعد عن كل البنات عشان حبك بجد
غصون .خاېفة
همسة .يابت آدم هيتقدملك خلاص وعايز يعيش معاكى باقى عمرة
غصون. تفتكرى اتغير والبنات إللى كل يوم مع واحدة شكل
همسة .دة غيرة بقى ولا اية ها ههههه
غصون. بطلى بقى غلاسة
همسة .تعرفى آدم لايق عليكى اة والله هو مش اشقر ولا عيون زرق بس واد جان طول بعرض وشياكة ووسامة طبعا وحتى عنية زى عنيكى عسلى ههههه متطابقين مع بعض
غصون .ههههه انا بجد خاېفة من الجواز
همسة .هههه ياخبتك هو انتى ماكتتش تعرفى حاجة خالص هههه تعرفى لو مش اعرفك بجد كنت قولت بتهزرى لكن عارفاكى كويس يابنتى دى ثقافة ولازم الكل يكون عارفها
غصون بخجل بس بقى
همسة .طب كنتى تقولى كنت نقلتلك خبرة ههههه من ماما يابت دة اول درس اخدتة من ماما بعد البريود ماجتلى فضلت توصينى على نفسى واحافظ على نفسى وابعد عن الشباب وماثقش فى حد وانى كبرت بقى وهتجوز وكدة بقى هههه ابقى تعالى اخلى ماما تديكى درس فى العلاقة الزوجية
غصون بابتسامه بطلى قلة أدب بقى هههه
همسة .هههه يابت البركة فى النت ماخلاش حد مش عارف حاجة أى حاجة عاوزة تعرفيها على النت هههه
وبعدين انا اختك يابت واوعى تتكسفى منى والحاجات دى على فكرة بتحصل بس عن حب حتى لو فى جواز عن حب لازم يكون فى قبول وراحة من الطرفين احنا مش حيوانات ودى غريزة وخلاص لاطبعا احنا بشړ يعنى مشاعر واحاسيس وعقل نفكر وندبر نعمل اية ونتصرف ازى مش من حق الزوج يغصب زوجتة على العلاقة تحت أى مسمى لازم يكون فى تراضى من الطرفين ولازم يكون فى حب مش بطريقة ۏحشية زى الحيوانات وكمان بيكون فى صبر ممكن الراجل إللى بيحب مراتة يصبر عليها لم تتقرب منة مش دى اسمها حقارة واستغلال كمان
غصون .معاكى حق
همسة .تعرفى بقى آدم هو دة إللى هيخلى بالة منك وېخاف عليكى حتى من نفسة يابت انتى عذبتية وهو مش فقد الامل وكمان لسة مصر يتجوزك بيحبك بجد وبعدين انتى ناسية ان هو اول دقة قلب ولا اية هههههه
غصون .مابس بقى الله
همسة .طب انا اطمنت عليكى ولازم امشى بقى وابقى طمنينى لم آدم يجى يتقدم انا عارفة ان خلاص جاى ومبروك مقدما
غصون .خليكى معايا كمان يوم طيب
همسة .لا انا هنا بقالى 3ايام كفايا كدة هكلم آدم عشان يوصلنى ويشوف اهلة
غصون .ادم هيروحك اسكندرية
همسة .اية غيرانة هههه
غصون. لا يا مجنونه بس انتى مش خاېفة من أى حد يشوفك ويتكلم
همسة .الناس كدة كدة بتتكلم وآدم دة اخويا وهيكون زوج اختى وانا بثق فية وهو بيعتبرنى اختة كمان مافيش خوف وان شاء الله اجى بقى المرة الجاية عشان احضر فرحك بلاش خطوبة وكلام فارغ خليها دخلة علطول خلينا اخلص منكم بقى ههههه.
غصون .بس يا ساڤلة
همسة .هدخل اكلمة واجهز شنطتى….
احست بدوخة شديدة ولا تتضح الرويا امامها وسقطت فاقدة الوعى.. ..
كانت تتحدث مع آدم لياتى وتعود معه إلى اسكندريه ولكن عندما استمعت لصوت ارتطام قوى..
صرختهمسة بخضة .اية دة
آدم. فى اية
همسة .ثوانى خليك معايا كدة
ذهبت لترى ماذا يحدث وجدت صديقتها فاقدة الوعى .
همسة بقلق .غصون غصون فوقى فى اية غصون
الحقنى يا ادم غصون مغمى عليها ومش بترد
آدم پخوف .يابنتى حاولى تفوقيها بالبرفيم
وانا جاى فى الطريق
همسة .اوع تطلع انا هخبط على احمد يجى يشوفها مش بتوفق لية
آدم. طب طمنينى وانا جاى ماتخفيش مش طالع عندكم بس هستنى تحت اطمن عليها
همسة .طيب طيب
اقفل بقى ……
ذهبت همسة إلى شقة احمد ورنت الجرس عدة مرات واخيرا فتح لها احمد
احمد .همسة
همسة .دكتور احمد الحق غصون مش بترد علية ومغمى عليها
احمد بقلق .اية اسرع فى خطواته ليتفقد شقيقتة
وحملها ووضعها على الفراش فى غرفتها وبدأ فى
—
رفع ساقيها إلى اعلى لتستجيب وتفيق بسرعة ..
بعد عدت لحظات فتحت عينها ببطئ تشعر بالم فى جميع أنحاء جسدها
احمد بقلق غصون سمعانى
هزت رأسها بالموافقة
احمد .طب اتكلمى عشان اطمن اكتر حاسة بأية
غصون بتعب .جسمى متكسر وحاسة بۏجع جامد
احمد . يمكن من أثر الوقعة
همسة بخضة. خضيتينى عليكى ياشيخة الحمد لله انك بخير
احمد بابتسامة. اكيد ارهاق وقله اكل ونوم كمان
همسة. طب امشى ولا استنى معاكى محتجالى.
غصون بابتسامة .لا ياحببتى اطمنى انا كويسة خلى بالك من نفسك
همسة. اول ما اوصل هتصل اطمن عليكى ماشى
احمد. هتروحى لوحدك
همسة .لا هروح مع قريبى وهو مستنى تحت اشوف وشكم بخير
احمد مع السلامة
خرجت همسة وجدت آدم ينتظرها بقلق
آدم. همسة غصون عاملة اية دلوقتى.
همسة. الحمدلله احمد جى فوقها لو مش كنت عرفت ماما انى مروحة كنت فضلت معاها بجد شكلها مرهق يمكن من جواز اخوها كانت بتعمل كل حاجة.
آدم. انا هكلم بابا وماما ويبق ينزلو معا يا مش قادر اصبر اكتر من كدة
همسة. ربنا يسعدكم على العموم غصون هتوافق عليك انا حاسة
آدم. يارب المهم تبق بخير نتحرك
همسة بمرح سيرى على بركة الله نورمندى 2 ههههه
ابتسم ادم على چنونها ولكن قلبه يشعر بالقلق من أجل محبوبته ..
…………….
أحضرت لهفة التى لم تعرف شئ ابلغها احمد بتعب غصون وظلت لهفة جانبها
غصون .انا كويسة خلاص بقى
لهفة .لازمن تشربى حاجة عشان تفوجى ومش تهبطى تانى
احمد بابتسامة. اسمعى كلام مرات اخوكى هههه.
غصون .طب هشرب روحو بقى على بيتكم
احمد .نعم لية ان شاء الله مش هسيبك
لهفة .لا هفضل جارك اكدية لم تبقى زينة
غصون .والله زينة
اتصل احمد على عاصم و لم ياتى بالرد
وبعد لحظات وجد عاصم يدخل من باب المنزل شارد حزين .
اسرع احمد الية ليكتشف ما الأمر
واستغرب عاصم وجود شقيقة
عاصم بقلق .غصون مالها انت هنا لية واسرع الى غرفة شقيقتة ليطمئن عليها وأحتضنها بقوة خوفا من ان يفقدها..
غصون .ياعم انا كويسة والله لية يا احمد قلقتة بس
احمد بابتسامة. لا والله انا ماقولتش حاجة هو إللى قلبة حاسس بقى .
عاصم بقلق. حاسة بأية فيكى اية
غصون بابتسامة. الحمدلله ماتقلقش
عاصم .احمد عاوزك برة
احمد .طيب خير فى اية
عاصم بدموع غصون مالها واية جابك هى كلمتك انطق انا على أخرى
احمد .طيب اهدى همسة جتلى وقالت غصون مغمى عليها وانا فوقتها ولهفة شربتها عصير وانت جيت بس فى اية انت
عاصم بدموع. اختك بتضيع مننا
احمد بخضة .بتقول اية فى اية
عاصم بحزن .بنتى بتضيع منى وانا مش قادر اعمل حاجة حاسس انى مشلۏل
احمد پخوف .فهمنى غصون مالها
عاصم بدموع. غصون عندها كانسرفي الډم
احمد بدموع. لا اكيد فى حاجة غلط
عاصم. للاسف التحاليل مظبوطة
احمد پخوف .يعنى اية يعنى اية هنسكت اعمل حاجة
عاصم بدموع. كلمت دكتور جلال وقالى على دكتور صاحبة متخصص فى الحالات دى ولازم اعرض علية غصون وانا مش قادر اقولها مش عارف اتصرف هعرفها ازى
احمد بدموع .هنقولها ازى وهتتقبل انا مش هقدر ياعاصم اعرفها
عاصم .بس لازم تعرف مننا عشان تحس بوجودنا جنبها ولازم تتقبل فكرة العلاج وانا مش عارف هى فى انهى مرحلة خاېف يااحمد مش عايز اخسرها زى ماخسرت ماما وبابا مش عايز أفقدها هى كمان
احمد بدموع .احنا نتكلم مع الدكتور الاول ونعرف الحالة اية
عشان نوصلها واحدة واحدة
عاصم .انا اخدت ميعاد على 8باليل ولازم غصون تبق معانا لازم يشوفها
احمد .يبق قولها تعرف مننا احسن عشان نطمنها وبلاش تحس بخوفنا وقلقنا عشان ماياثرش على نفسيتها
خرجت لهفة مسرعة من غرفة غصون
لهفة .احمد غصون مولعة ڼار ومش دريانة بالدنيا
دخل عاصم وأحمد بقلق .
عندما لمس وجهها نظر لشقيقه بهلع الحرارة عالية جدا أملي البانيو مية باردة هغطسها فية بسرعة
اسرع احمد وملئ البانيو وحملها عاصم ووضعها داخل البانيو ودار جسدها بالماء ليخفف الحرارة وتنتفض عدة مرات ويسكن جسدها وحملها بعد دقايق وضعها على الفراش
عاصم. من فضلك يالهفة غيريلها هدومها
لهفة .حاضر
……..
عاصم بدموع. لازم ندخلها المستشفى
احمد پصدمة. مستشفى ..
…
الفصل السابع والعشرون
تم وصول آدم وهمسة الى اسكندرية…
وبعد ان اوصلها منزلها توجة إلى منزلة وسلم على والدة ووالدتة وصعد غرفتة القلق مسيطر علية والخۏف ينهش قلبة فماذا اصابها …
فاقت بتعب وجدت شقيقيها يجلس بجانبها .
عاصم. عاملة اية ياحببتى
غصون بابتسامة. الحمدلله
عاصم .ممكن تيجى معانا نروح المستشفى عشان نطمن عليكى اكتر
غصون بتعب .مافيش داعى مستشفى
احمد بمحاوله التخفيف عنها ويبتسم رغما عنه .لا قومى ولا اشيلك ها
غصون بابتسامة. بجد مش لازم
عاصم بجديه احمد انزل دور العربية وانا هشلها كدة وانزلها
غصون. ههههه انا كبرت على كدة
عاصم بمحاوله رسم البسمه على وجهه مين قال كدة انتى بنتى إللى مش بتكبر ابدا حملها برفق
غصون. خلاص نزلنى وهاجى معاك
عاصم باصرار .لا مش هخليكى تمشى على رجلك وانا لازمتى اية
غصون بابتسامة. ربنا يخليك ليا ياعصومى
عاصم بدموع يحاول اخفائها ويخليكى ليا يا غصونى يارب
حاولت الاتصال بغصون ولكن لم ياتى رد …
لا يستطيع أن يصبر اكثر من ذلك وقرر العودة إلى القاهرة ليكون بجانبها ويحاول أن يتحدث مع شقيقها الأكبر فى طلب الزواج منها ليرتاح قلبة…
بعد ساعة كانت نائمة بالفراش فى غرفة بالمشفى تضع المحاليل اللازمة للعلاج ..
تحدث عاصم إلى دكتور جلال .
عاصم .اعمل اية يادكتور بقى طول عمرى نفسى اكون دكتور عشان اخفف الم الناس ومش عارف دلوقتى اخفف الم اختى انا عاجز ومشلۏل مش عارف اتحرك
جلال. اهدى ياعاصم لازم تكون قوى عشان خاطر اختك وانا هكلم دكتور فؤاد ابو طالب وهيجى يشوفها بعد لم يخلص عيادتة اطمن خلى عندك امل يادكتور مش احنا دايما بندى اهل المړيض الامل واحنا نفقدة دلوقتى مش ينفع ودكتور فؤاد هيعمل اللازم ويقولك تصرف ازى وتبدا العلاج وان شاء الله خير انت دكتور وعارف ان فى حالات كتير اتعالجت وتم شفاءها على خير
عاصم بأمل .يارب
………..
احمد يتصل على زوجتة
احمد .لهفة اقفلى على نفسك كويس انا اسف مش هقدر اسيب غصون خلى بالك من نفسك
لهفة .وها ماتقوليش اكدية ربنا يرجعكم بالسلامة ويشفيها قادر يا كريم
احمد .اوعى تعرفى حد ان غصون تعبانة او بالمستشفى مش عاوزين قلق
لهفة .حاضر مش تقلق علية خلى بالك من نفسك وغصون
احمد .ماشى ياحببتى مع السلامة
…………
بعد أن أنهى من فحص المړضة واغلق عيادتة توجة إلى مستشفى رفيقة ليتفحص حالة تخصة …
بعد لحظات كان دكتور فؤاد يتفحص حالة غصون وطلب تحاليل أخرى وعمل اشعة مقطعية على جميع اجزاء الجسم ليتاكد من سلامة كل عضو من أعضاء جسدها…
تم عمل الفحص والاشعة أيضا..
دكتور فؤاد .الف سلامة عليك اسمك اية
غصون بتعب غصون
فؤاد .وانا دكتور فؤاد هتابع حالتك بس عاوز اعرف بتشتكى من اية فى اية بالظبط بيوجعك
غصون بتعب. بحس بدوخة علطول عاوزة انام وماليش نفس للاكل وألم فى جسمى كلة بحس ساعات برعشة وساعات بالبرد وبعرق كتير من غير ماعمل مجهود وبحس ساعات مش شايفة كويس وبحس بالم فى ايدى ورجلى وساعات احس انى مش قادرة اتحرك وحرارتى بتزيد ودقات قلبى كمان
تابعها بهدوء وهى تحكى عن المها وتاكد من الفحص المبدئ انها مريضة اللوكيميا سړطان الډم
عاصم ينظر إلى احمد ويتبادلو نظرات الحزن
فؤاد .طب الاعراض من امتة بتحسى بيها من زمان
غصون بتفكير .لا من اقل من شهر
فؤاد .طب فى ڼزيف انف أو لثة
غصون. أيوة لثتى دايما پتنزف
فؤاد .طب فى ڼزيف مع الدورة الشهرية حاسة بتغير




