زوجتي مديحه

كان زوجها ماسك الشبشب وبيـ,ـجري وراها، وهي بتـ,ـصرخ وبتحاول تهرب منه
دخلت بسرعة الأوضة وقفلت الباب بالمفتاح، هو وقف عند الباب بينهج وقال بعصبية: افتحي الزفـ,ـت دا يا مديحة
هي بعصبية من ورا الباب: ما تقوليش يا مديحة بدل ما أزعلك يا محسن
هو باستفزاز: ماشي يا مديحة
مديحة بعصبية: بس لما أطلعلك
محسن ببرود: أيوه اطلعليلي يلا دلوقتي
مديحة: لأ مش طالعة طول ما أنت متهور كدا وكمان ماسـ,ـكلي شبـ,ـشب كأنك بتجري ورا صرصار
محسن باستفزاز: ما أنا فعلا شايفك كدا
خبطت مديحة الباب بقوة وقالت: ماشي يا محسن إيه رأيك بقى في القمـ,ـيص الكحلي اللي أنت لسه شاريه من يومين أجرب عليه الميكب بتاعي
محسن بغضب: عارفه إن جيتي ناحيته هيبقى آخر يوم في عمرك يا مديحـ,ـة ماشي يا مديحة
طبعا عمال يقولها يا مديحة مش الدلع اللي متعودة عليه وبيضايقـ,ـها
مديحة من جوا في نفسها: الله يسامحك يا بابا كان لازم تسمينـ,ـي على اسـ,ـم أمـ,ـك هو عشان بتحبها تظلمني أنا أهو شمت الأعداء فيا
محسن مالقاش صوت فخاف عالقميص بتاعه هو عارفها ممكن تعمل فيه أي حاجة فقال بتهديد: مديحة لو مافتحتيش الباب هكسره على دماغك
مديحة ببرود: عادي ما أنت اللي هتصلحه يا محسن لما يتكسر وأنت أصلا بخيل وبتطلع الجنيه من جيبك بضىىرب الجزم
رمى محسن الشبشب ومشي من عند الباب راح قعد في الصالة بغضب، وعينه جت عالنيش فابتسم بمكر وقال بصوت عالِ: الله الكوبايات في النيش شكلها جميل أوي نفسي أجرب فيهم مشروبي المفضل
سمعت مديحة كلامه فتحت الباب بعصبـ,ـية وقالت: لو قربت ناحيته هقلبها حرب عليك النهارده
جري ناحيتها بسرعة قبل ما تقفل الباب وهي اتخضت وجت تقفله مالحقتش ومسكها
صرخت وقالت: عيب يا محسن تضىىرب ست ومش أي ست كمان دي زوجتك الطيـ,ـبة صاحبة الصـ,ـون والعفاف
محسن بغضب: عفاف دي تبقى أمك
مديحة: طب ما أنا عارفه إن أمي اسمها عفاف بس عيب تقولها عفاف كدا من غير طـ,ـنط
محسن مسكها من كتفها وبيرج فيها وقال: ولما أنتِ خايفة كدا مني بتتهبلي ليه وتعصـ,ـبيني؟
مديحة بدوخة: أنا مش خايفه منك على نفسي، أنا خايفه على ابني اللي بطني اللي بقاله شهر واحد بس
لسه هيكمل كلامه ولكن وقف لما استوعب قالت إيه وقال بحذر: يعني بجد حامل ولا بتقولي كدا من باب الهزار
مديحة بابتسامة: فعلا حامل كنت برخم عليك عشان أقولك بس أنت قفوش مش بتستحمل هزاري
محسن بفرحة: بجد طب عرفتي امتى وإزاي؟
مديحة: جبت اختبار حمل وعرفت واستنيتك عشان نروح للدكتورة مع بعض
محسن بفرحة: طب يلا البىىسي بسرعة عشان نروح
وبالفعل راحت تلبىىس وبعد فترة راحوا عند الدكتورة، دخلت لما جه دورهـ,ـا ودخل معها والدكتورة فحصتها وقالت: ممنوع الحركة الكتير وهكتبلك على فيتامينات مع باقي الدوا اللـ,ـي كتبته دا ولازم تتبعي التعليمات
ومشيوا بعدها وهما مبسوطين ووصلوا البيت قعد محسن جنبـ,ـها وقال: ها يا توحة نفسك في إيه بتتوحمي على إيه وأنزل أجيبهولك لو مش هنا
مديحة: لسه ميعاد الوحم ماجاش، هقوم أغير وأجهز الغدا
محسن بسرعة: لأ هجهزه أنا لغاية ما تغيري ولازم ترتاحي


